أمي ب 2000رجال
[grade="000000 DC143C 800080 FF1493"]
أمي نعم أمي بألفين رجال
تسلم يدين أم حليب رضعتني
ال غيرها ما احتاج عم ولا خال
دعواتها تكفي نيتها عطتني
تضحك بوجهي طيبة حيل ومحال
انها زعلت مني ولا زعلتني
ان جيت مضايق وأعاني من اشكال
تضحك وأنا غصب علي ضحكتني
تسهر طوال الليل مشغولة البال
ليمن صرخت وقلت آه احظنتني
اعيالها كلنا كبار وجهال
كلهم تحبهم بس انا زيدتني؟
فيها التواضع تحني الراس بجلال
يا حبها .. لي.. والله انها حرجتني
قدوة ومن مثلك وبك تضرب أمثال
يا من بطيبتها وحنان غمرتني
يالله تسلمها لنا دعوة عيال
لأم كريمة في عطاها ادهشتني
أم نعم أمي بألفين رجال
حبي لها دين وبه شرفتني