انت تبع مين بقى؟؟؟القلب ولا العقل؟؟؟

ازيكم كلكو والله ليكو وحشه

انا عارفه ان اول ما الناس هتشوف التوبيك هتقول يوووه هنتخانق تانى ونرجع نعمل احزاب
بس محلش محلش من زمان مناقرتش فى حد بقى وخلصت امتحانات وفضيت يبقى نتخانق شويه قصدى نتناقش شويه [ندعوك للتسجيل في المنتدى أو التعريف بنفسك لمعاينة هذه الصورة]

انت تبع خط ايه؟

قلبك ولا عقلك؟؟؟؟؟

ماهو اصل الناس ماشيه على خطين فى حياتها خط القلب وخط العقل

وكل واحد منحاز لخط معين شويه تلاقيه مع عقله شوويه مع قلبه وفى ناس الى ماشيه عاخطين سوا

ادينا هنشوف بقى من التوبيك بتاع انهارده انتو تبع انهو خط

ياترى احنا بنحكم قلبنا ولا عقلنا فالحب؟
هتقولولى لازم نحكم الاتنين هقولكو طب ازاى؟

واحده حبت واحد وبيبقو وهما سوا فى منتهى السعاده والحب والرومانسيه
وبتبقى مش شايفه غيره فالدنيا وقلبها هيطير من الفرحه[ندعوك للتسجيل في المنتدى أو التعريف بنفسك لمعاينة هذه الصورة]
واول ما تروح وتقفل على نفسها بابا اوضتها وتفكر كده
يا سلام عالحب حاجه حلوه اوى
بس قلبها هيتركن كده شويه فجنب وياخدله تعسليه
وعقلها ده يشتغل ويخبط عليها كده يقولها طب فكرى فى مستقبلك مع الانسان ده
هتسرح شويتين
هتلاقى مفيش مستقبل اصلا مش هينفع تكمل معاه اساسا
مره واحده لازم تكشر والفرحه الى فقلبك دى تنطفى لان فى هموم جديده نزلت فوق دماغك
احلامك الوردى دى مش تنفع فحياتنا اليومين دول
وكل حاجه حوليك بتقولك حبيبك ده مش هتعرف تكمل معاه

طب اركن بقى كده عقلك واسرح بقلبك ورجع حلمك الوردى تانى
نفسك تعيش معاه وتكملو حياتكو سوا وتتغلبو عالظروف دى وتجيبو اطفال وتربوهم وتعيشوهم فى مستوى حلو
وتتخيل قد ايه صعب انك تعيش من غير حبيبك ومستحيل تكون لحد غيره
وممكن تتخيل ان دى اخره تشوفه فيها او تكلمه
وااخر مره هتكون معاه وممكن اوى غيرك ياخد مكانك ويتقاله نفس الى كان بيقولهولك

طب افرضى حضرتك استنيته هيتخرج ويخلص الجيش ويدور على شغل
ويستنى سنه ولا حاجه يكون عمله قرشين عشان يعرف يجى يتقدم وبعدين تتخطبو وتستنى جنبه بتاع سنتين او تلت سنين كمان
وبعدين تتجوزو

ايه رايك احسبى كده هتلاقيكو سوا مش اقل من 7 سنين
يااااه هو العمر فيه كام سبع سنين

طب تخيلى كل ده حصل واستنيتى وخلص هو دراسه ودخل
الجيش وخرج ودور على شغل سواء لقى او ملقاش لسه لازم يستنى كمان كام سنه
عشان خاطر يجى يتقدم لان يادوب الى جاى على قد الى رايح

طب وانتى فالسنين دى بتعملى ايه؟؟ بتكبرى فالسن اصحابك الى حوليكى اتجوزو وخلفو؟؟وانتى قاعده محلك سر

مبقلش ان البعمل كه غلطان بالعكس تبقى بنت جدعه اوى ومخلصه جدا وبتحب بجد
بس غلطانه
غلطانه لانها حسبتها بقلبها بس فى زمن مينفعش فيه الحساب بالقلب فقط
احلام الشباب انى هخلص واشتغل واعمل واعمل لو مش مخططلها صح ومتاكد من كل خطوه وانه هيعرف ينفذ كل ده
يبقى غلط

هو مذنبوش حاجه بس انتى كمان مش ذنبك حاجه

افرضى اتخطبتى وغصبتى على اهلك تتخطبو باى حاجه دلوقتى
دبله بس ااى حاجه يعنى انا اعرف ناس بتسلف تمن الدبله للى بتحبه عشان
يعرف يجيبهالها ويتخطبو
وبعدها هتقعدو سوا بالخمس سنين مخطوبين ابوها هيزهق هيقولك يا تتجوز فى خلال مده معينه يا مع السلامه

ووبعد ما هو يستلف من ده وده ويبقى مديون لكذا حد ويتجوزك
هتاكلو منين هيسد الى عليه؟ ولا هياكلك

ولا هتروحى لباباكى تقوليله معلش يا بابا اكلنى انا والراجل الى معايا؟؟

ساعتها هتكرهى اليوم الحبيتيه فيه
هتكرهى عيشتك الى هتبقى فيها كل يوم خناقه ومشكله

مين فيكو بقى يقولى الحب راح فين بين كل ده؟

عملك ايه الحب فى عيشتك دى؟

الشاب اتبهدل وطالع عينه وشغال ليل نهار ومديون وبرضه مش عارف يعمل حاجه ومش عاجب

والبنت معدتش مرتاحه مش ده البتحلم بيه مش عارفه تجيب حاجه لنفسها مش عارفه تاكل الاكل الى اتعودت عليه مش عارفه حتى تبقى فى نفس المستوى

فى
مقوله بتقول لازم البنت الى تتجوز دى تختار واحديكون يا فنفس مستواها يا
اعلى منها عشان يرفعها معاه فالمستوى...انا شايفه ان المقوله دى صح

القلب بيدينا الصوره الورديه الى عايزين نشوفها بيرسملنا البنحلم بيه
بس التنفيذ مستحيل

العقل يعنى الرزانه يعنى ازاى افكر واخطط لمستقبلى صح
اكيد مش هكون متجرده من المشاعر بس مسبش نفسى ماشيه ورا الظروف

هتقولو واضح انك مش رومانسيه هقولكو الرومانسيه مش كلمه بحبك وشويه سذاجه
الصح انى اشوف مستقبلى وحياتى ولازم كله يشيل من دماغه فكره الحب الاعمى

مبقلكوش خدو حد مش طايقين تبصو فى وشه عشان المستوى
بس برضه متخدوش حد بتحبوه بس محلتوش حاجه

عارفه انى فالتوبيك ده بالذات هاخد انتقادات كتير واعتراضات اكتربس ادينا هنشوف

سلام بقى ومستنياكو نتناقش على رواقه[ندعوك للتسجيل في المنتدى أو التعريف بنفسك لمعاينة هذه الصورة]

» رسائل غراميه من القلب
» هنــا يبكي القلب
» كلام نابع من القلب
» حين يذوق القلب حلاوة السجود
» هنيئا لمن يحمل هذا القلب-♥RORO♥