مزكرات واحد عنده موبيل

بسم الله الرحمن الرحيم

كتير من الشباب عنده موبايل .... وكتير من الشباب مش محتاج انه يبقى
عنده موبايل ..... وكتير من الشباب متصورين إنه ما مايقدرش يعيش من غير
موبايل

ودي بقى صفحه من يوميات واحد من الشباب مش محتاج موبايل...بس هو عنده موبايل

ياللا نشوف هو كاتب ايه

انا بقالي 3 سنين جايب موبايل ... يعني بقالي 3 سنين جايب خط ... وبرده
بقالي 3 سنين عمال انزل فى نغمات .... نزلت كل نغمات الدنيا لموبايلي
.... دا على اساس أنه لما يرن النغمه دي تشتغل ...

و من هنا بقى ظهرت المشكله .... إنه يرن .... الموبايل مابيرنش خالص ...
انا قلت يمكن العيب من الجهاز .... غيرت الجهاز ..طب من الخط....غيرت الخط
.... طب ممكن من النغمه .... غيرت النغمه

عملت كل المحاولات عشان أسمع نغمة موبايلي بترن من غير ما اشغلها انا ... بس مفيش فايده.. كل محاولاتي كانت نتيجتها بالفشل..

و في اليوم الموعود (إللي كنت مستنيه من زمان) .... قمت من النوم ... ببص في الموبايل لقيت ميسد كول ....

مش معقول....انا جالي ميسد كوول ... لأ لا يمكن ....

فكرت افتحها على طول ولا أروح أخد شاور الأول عشان أبقى مستعد ... دخلت
حلقت دقنى و خدت شاور و عملت شعرى سبايك و حطيت بارفان و لبست احلى طقم
عندى و لسه همسك الموبايل فى ايدى و..... وكانت الصدمه ....

أخويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتا ......

تحطمت كل احلامي ... نعم تحطمت كل امالي التي كنت اعقدها في رؤية هذه الميسد .....

وبعد شهرين من تاريخ الميسد كنت ماشي في الشارع رايح الدرس ... وفجأه
حسيت بهزه في جيبي ( فيبريشن بقى ) ..... و سمعت نغمة موبايلي ....

انا طبعا مصدقتش ان دا موبايلي .... بس مكنش في حد بيرد جنبي على
موبايله ..... يا نهار ابيض .... دا موبايلي اللي بيرن و إفتكرت ان دي
نغمتي .....

كان وقت جميل اوي وانا اول مره أسمع نغمتي فيها من غير ما اشغلها ... يا
حلاوتك يا نغمتي ..... وقمت مدخل ايدي في جيبي و مطلع الموبايل
..... و فتحت المكالمه .....ونقول الووو

لقيت واحد بيقولي : إيه يا بنتي انتي فين انا مستنيكي قدام السينما بقالي ساعه .....

ساعتها تأكدت ان النمره غلط ... بس انا ما رديتش عشان ميعرفش إن
النمره غلط و يحرمني من أجمل لحظات حياتي ... بس هو قفل ..... قفل
لما انا مردتش عليه .....

و بعد الحدث ده رجعت البيت و ما روحتش الدرس و إتعقدت بصراحه ....... و جالي إكتئاب .......

الإكتئاب زاد.. زاد زاد جدا لحد ما مبقيت أقعد في الأوضة لوحدي و باصص للحيطه وفي إيدي الموبايل و ما بكلمش حد ...

كانوا بيخشوا عليا يكلموني بس ما كنتش برد عليهم ..... يجيبولي أكل ماكلش ....

حاولوا كتير معايا عشان يخرجوني من حالة الإكتئاب إللي انا فيها
لحد ما بابا جه وكلمني وقالي: الموبايل مش كل حاجه يا بني ... على
أيامنا ما كنش فيه موبايلات ولا كلام من ده ..وكنا عايشين يا حبيبي ...

و قعد ناس كتير و دكاتره كتير ييجوا يكلموني ... بس ما كنش فيه فايده ....

فقدوا الأمل في علاجي ..و بقيت انا مجنون العيله .... كانوا مسميني مجنون الموبايل ....

بعد فتره بدأت أتحسن و اقتنع بكلامهم و جيت في يوم وقمت و نسيت حكاية
الموبايل دي خالص .... وانا فاكر ساعتها لما فتحت التلفزيون لقيت
إعلان لموبايل... حاولت اقلب القناه عشان ما افكرش.. لقيت إعلان عصام
الحضرى بتاع فودافون....

حاولت أقلب القناه عشان ما افكرش في الموبايل ....لقيت إعلان نغمات فيديو تون...

الإعلان دا أثر فيه اوي...هو انا حتى طايل نغمه عاديه عشان يجبلي
فيديو توووون .... الإكتئاب رجعلي تاني ..... و قمت قايم وجايب ورقه
وقلم وكتبت :بابا ماما سامحوني أنا كنت عايز أخف بس انا قررت خلاص انى
انتحر

و جيت ارمي نفسي من البلكونه .... بس سمعت الموبايل بتاعي بيرن ....

اممممم دي نغمة الرسايل أنا عارفها تين تين تين ..... فرحت اوي .....

فتحت الرساله لقيت رساله .....

"عزيزي العميل دلوقتي ممكن تشترك في خدمة الإنتظار عشان إللي بيتصلوا بيك وانت مشغول............."

لأ لأ ...... انتم كده عايزين تموتوني

آآآآآآآآآآآآآآآآآآآآآآآة بووووووووووووووم

(دا وهو بيقع م البلكونة )

اوعى حد يكون فيكم زى اخينا ده

ههههههههههههههههه

هههههههههههههههههههههههههههههههههههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههه
نايس توبيك ياقمر

يسلموووووووووووووووووووو ويارب يكون الموضوع عجبكم

[ندعوك للتسجيل في المنتدى أو التعريف بنفسك لمعاينة هذه الصورة]

العفووووووووووووووووو ويسلمووووووووو للمرور ومنور التوبيك

هههههههههههههههههههههههههههههههههههههههه
هههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههه
طب كنت استنى يمكن حد يتحول ويرن عليك ههههههههههههه
نايس توبيك يا قمر

ههههههههههههههههههههههههههههههههه
ههههههههههههههههه
ههههههههههههههههههههه اخينا دا فكرنى اول ما جبت موبيلى والله هههه بس مكنتش كدا اوعى حد يفهم غلط