الجحش قال للحمار *** يابا اديني الحنطور
ياباإنت سنّك كبر *** و وَجَب عليّا الدور
كَـحّ الحمار كَـحة *** فزعِت لها الركاب
مش يابني بالصحة *** ده كل شئ بحساب
و سواقة الحنطور *** محتاجة حدّ حكيم
و إنت عينيك فارغة *** همّك على البرسيم
قوللي تسوق إزاي *** و التبن مالي عينيك
ده حتى حبل اللجام *** واسع يا إبني عليك
إعقل و بطّل طمع *** لا تسخّن الركاب
ماتجيش يا واد جنبهم *** لا تبقى ليلة هباب
دول صنف ناس جبّار *** قادر مالوهش :
يبان عليهم وَهَن *** لكنهم فرسان
يابا دا نومهم تِقِل *** و بقالُه يابا سنين
كل البشر صحصحوا *** و لسه دول نايمين
يا جحش بطّل هبل *** و بلاش تعيش مغرور
رُكابنا مش أغبيا *** ولا عضمهم مكسور
بُكرة حيصحولك *** و يزلزلوا الحنطور
و تلاقي في قفاك *** تمانين خازوق محشور
المزاج
موضوع: قصيدة تموت من الضحك ههههههههههه 
الإثنين يناير 24, 2011 9:28 pm
